Модели НА CLOUD COMPUTING

• Private Cloud – Приватен Cloud: Приватна Cloud Computing инфраструктура е во сопственост на самата организација или компанија и со неа раководи истата таа организација или компанија или некоја трета компанија која работи за нив (outsourcing). Овој тип на модел може да биде физички присутен во просториите на самата компанија или физички дислоциран. Пример за дислоциран модел на приватна Cloud Computing инфраструктура е компанијата DHL со локација на серверите во сопственост на самата компанија но лоцирани во Малезија и Чешка. 
• Community Cloud  – Заеднички Cloud: Кај овој модел, инфраструктура е делена помеѓу неколку организации и дава подршка на група организации или компании кои ги делат или ги имаат  истите интереси, како што се мисија и визија, сигурносна политика и слично. Како и во претходниот случај, со овој модел може да  раководи интерно вработениот персонал на одредена компанија или низ моделот на outsourcing.
• Public Cloud – Јавен Cloud: Во овој случај системот е во сопственост на компанијата што се бави со продажба на Cloud услуги и е достапен на сите поединци и стопански субјекти.
• Hybrid Cloud – Хибриден Cloud: Карактеристично за овој модел е што ги обединува два или повеќе горе споменатите модели (Private, Community и Public) и во овој случај секој од нив останува независен, но меѓусебно комуницираат со однапред  дефинирани процедури и стандарди како би се обезбедила мобилност на податоците помеѓу членките на моделот. 

Сервисни модели на Cloud computing

• Software as a Service (SaaS):  Cloud софтвер како услуга им овозможува на клиентите да ги користат услугите на подесување и користење на апликации кои се наоѓаат т.е. се инсталирани на инфраструктура на давател на услуги или провајдер на услуги. Тоа значи дека провајдер го обезбедува потребниот хардвер (сервери, мемории, процесори и сл.), а истовремено и апликацијата која на клиентот му е потребна.
• Platform as a Service (PaaS):  Cloud Computing како услуга претставува модел каде што клиент корисниците ги користат апликациите кои се купени или развиени од лицата вработени во самата (нивната) компанија  – од сопствен тим, а во Cloud ја користат платформата која ќе ја подржи нивната апликација. Во овој случај, клиентите немаат контрола над хардверот од провајдер, туку само над својот софтвер кој се наоѓа некаде во Cloud. 
• Infrastructure as a Service (IaaS): Овој Cloud Computing модел или Cloud инфраструктура претставува таков модел каде што клиентите ги добиваат на располагање хардвер и технологијата во вид на процесорска снага, простор на диск, оперативен систем и слично. Не постои можност за контрола на самиот хардвер, но може да се управува со оперативните системи, простор на диск, апликации и во посебни случаеви да се изберат некои дополнителни опции од провајдерот, како на пример, Firewall – заштитен ѕид и слично.

Дефиниција за Cloud Computing

Cloud computing е модел кој овозможува едноставен мрежен пристап, на барање на корисникот, со делени ресурси (на пример: мрежни ресурси, сервери, простор на хард дискови, апликации и сервиси) кои можат многу бргу да бидат овозможени за употреба или исклучени, а со минимална интервенција или акција од страна на даватели на услуги.